Migrasjonsåret 2025 markerer at det er 200 år sidan starten på den organiserte utvandringa frå Noreg til Amerika. Blant utvandrarane var det både musikarar, songarar og dansarar, som alle tok med seg norske tradisjonsuttrykk.

Norsk folkemusikklag rettar derfor merksemda mot den transatlantiske utvekslinga av folkemusikk- og dansetradisjonar gjennom konferansen Folkemusikk på vandring. Konferansen finn stad på Universitetet i Sørøst-Norge frå 17.-19. september 2025.

Temaa på konferansen spenner vidt; frå konsertføredrag om meisterspelemannen Olav Moe sine spelferder i Amerika på starten av 1900-talet, til innlegg om dagens folkedansgrupper i det øvre Midtvesten. Om springartradisjonen i Nord-Amerika, og korleis den kjem til uttrykk i dag, og om den norske folkesongen på andre sida av havet. 

Merk: Påmeldingsfrist er 10. september.

NFL konferanseprogram 2025Last ned